ABŞ-da yaşayan cütlük 5 yaşlı uşağı şkafa kilidləyib günlərlə ac saxlayıb.
Bu dəhşətli hadisə Texas ştatında baş verib. Polis evin içindəki pilləkənlərin altındakı boşluqda düzəldilmiş kiçik dolabda olduqca arıq və halsız bir uşaq tapıblar və onu müalicə olunmaq üçün dərhal xəstəxanaya aparıblar.
Uşağın atası 24 yaşlı Bredli Blaymayer və ögey anası 33 yaşlı Tammi Blaymayerin uşağı uzun müddət burada saxladıqları, şiddətə məruz qoyduqları və ac saxladıqları üzə çıxıb.
Dəhşətli hadisə uşağın atasının və ögey qardaşının dalaşmasından sonra məlum olub. Aclıqdan sümükləri çıxan və bədəninin bir çox yerində çürümə meydana gələn bəxtsiz körpə polis tərəfindən xəstəxanaya aparılıb.
Cordan adlı 5 yaşlı uşağın atası isə məhkəmənin hökmü ilə 15 il müddətinə həbs cəzasına məhkum edilib. Ögey ana isə qaçsa da, polis tərəfindən sonradan saxlanılıb. Məhkəmə isə ögey ananı 28 il müddətinə azadlıqdan məhrum edib./olke.az