DAHA BİR İCRA BAŞÇISI HƏBS OLUNA BİLƏR - "Fövqəlnazir"in növbəti kadrının başı üzərində "qara buludlar" dolaşır...

Əvvəl Ağstafa və Yevlax rayonlarının icra başçılarının həbsi, bu gün isə Neftçala rayon icra başçısının saxlanılmasından sonra cəmiyyətdə növbəti cəzalandırılacaq icra başçısının kim olacağı barədə suallar dolaşır. Bununla bağlı sosial şəbəkələrdə müxtəlif iddialar da səsləndirilir.

Məlumata görə, nöbəti “vurulacaq” məmur Xızı Rayon icra Hakimiyyətinin başçısı Xəzər Aslanovdur.

Xəzər Aslanov bu gün prezidentin sərəncamı ilə işdən çıxarılan Neftçala Rayon İcra Hakimiyyətinin başçısı İsmayıl Vəliyevin qaynıdır. Onların hər ikisi vaxtilə gömrük orqanlarında çalışıblar. Xəzər Aslanovun icra başçısı postuna gətirilməsində İsmayıl Vəliyevin böyük rolu olub.
 
Xızı Rayon İcra Hakimiyyətinin başçısı Xəzər Aslanov 2006-2012-ci illərdə Yardımlı Rayon İcra Hakimiyyətinin başçısı vəzifəsində çalışıb.
 
Qeyd edək ki, Xəzər aslanovun atası Qəşəm Aslanov 1968-ci ildə Azərbaycan Kommunist Partiyası Mərkəzi Komitəsində inspektor, 1970-1972-ci illərdə "Azərbaycan gəncləri" qəzetinin baş redaktoru, 1972-1975-ci illərdə Şuşada birinci katib, 1975-1984-cü illərdə Abşeron və İsmayıllı rayonlarında birinci katib vəzifəsində işləyib. 1984-cü ildə avtomobil qəzasında həlak olub.
 
Bu gün Dövlət Təhlükəsizliyi Xidməti Neftçla Rayon İcra Hakimiyyətində xüsusi əməliyyat keçirib. İlkin məlumata görə, həbs olunanlar var./BakuPost

Muxalifet.az xəbər verir ki, Xəzər Aslanovun da "fövqəlnazir" Kəmaləddin Heydərovun kadrlarından və birbaşa onun himayəsində olan icra başçılarından biri olduğu haqda informasiyalar var...