İranin dini lideri Ayətullah Əli Xameneyiyə yaxın “Keyhan” qəzeti gözlənilməz yazı dərc edib. Muxalifet.az "Anadolu” agentliyinə istinadən xəbər verir ki, qəzetdəki məlumatlara görə, benzinin qiymətinin artımı səbəbi ilə keçirilən aksiyalara liderlik edənlər edam cəzası ilə üzləşəcək: “Ölkədəki xaosun liderləri edamla cəzalana bilər. Onların etdikləri əməllər “üsyan”dır. Bunun cəzası isə hüquqi və şəriət qanunlarına görə edamdır”. Qeyd edək ki, iddialara görə etirazlar zamanı həbs edilənlər istintaq zamanı aksiya təşkil etmək qarşılığında pul aldıqlarını etiraf ediblər.