Bibliyada adı çəkilən Armageddon şəhərində toxunulmamış hökmdar qəbri tapılıb.
Muxalifət.az strateq.az-a istinadən xəbər verir ki, arxeoloqları heyrətləndirən bu qəbirin yaşı 3 600 ildir. Bu tapıntı qədim şəhər olmuş Armageddonun tarixinə işıq salmağa kömək edəcək. Megiddo şəhər-dövləti yunan dilində Armageddon adlanır. Tədqiqatçılar burada hökmdar ailəsinin dəfn olunduğunu heç vaxt düşünməyiblər. Bu alimlər üçün gözlənilməz olub. Qəbirdən götürülən əşyaların analizi Misir istilasına qədərki Xanaan şəhəri haqqında təsəvvürləri tam dəyişə bilər. 
Beş min il ərzində Xayfa şəhəri yaxınlğında yerləşmiş Megiddo (Armageddon) hərbi və ticarət yolları üzərində mühüm yer olub. Bu şəhər Bibliyada “Armageddon” adı ilə xatırlanır.