​Bakıda məşhur biznesmen lüks avtomobillə qəza törətdi – ÖLƏN VAR - YENİLƏNDİ/FOTO

Baxış sayı:
469

Bakı şəhər Baş Polis İdarəsi və şəhər prokurorluğu Xətai raynunda baş vermiş ağır yol qəzası ilə bağlı məlumat yayıb.
Publika.az-a daxil olan məlumatda bildirilir ki, Xətai rayonunun polis və prokurorluq əməkdaşları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində rayon ərazisində yol nəqliyyat hadisəsi törədərək hadisə yerindən qaçmış sürücü tutularaq istintaqa cəlb edilib.
Belə ki, fevralın 9-da paytaxtın Xətai rayonu, Zığ yolu küçəsində 1980-cı il təvəllüdlü Sunay Vəliyevin idarə etdiyi “Mercedes-Benz GLS” markalı, 99-VS-999 dövlət qeydiyyat nişanlı avtomobillə yolu keçmək istəyən piyada 1969-cu il təvəllüdlü Müşfiq Əliyevi vuraraq ölümünə səbəb olması və hadisə yerindən qaçması faktına görə rayon Polis İdarəsinin İstintaq Şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.
Aparılmış təxirəsalınmaz istintaq-əməliyyat tədbirləri nəticəsində S.Vəliyev fevralın 10-da şübhəli şəxs qismində tutularaq müdafiəçi ilə təmin edilməklə dindirilib.
Hazırda iş üzrə zəruri istintaq tədbirləri davam etdirilir.

*****
10:15

Bakıda ölümlə nəticələnən yol-nəqliyyat hadisəsi baş verib.
Məlumata görə, gecə saat 22 radələrində paytaxt sakini Vəliyev Sunay Məsud oğlu idarə etdiyi “Mercedes GLS” markalı, 99 VS 999 dövlət qeydiyyat nişanlı avtomobillə Zığ yolunda hərəkətdə olarkən Ağdam rayon sakini 1969-cu il təvəlüldlü Əliyev Müşfiq Sərdar oğlunu vurub.
Ağır xəsarət alan piyadanın həyatını xilas etmək mümkün olmayıb.
Hadisəni törədən S.Vəliyev saxlanılıb.
Qeyd edək ki, qəzanı törədən S.Vəliyev 2015-ci ildə vəfat edən məşhur biznesmen Məsud Vəliyevin oğludur. "Laçın" Ticarət Mərkəzinin sahibi lan və "Laçınlı Məsud" kimi tanınan iş adam vəfat edəndən sonra onun biznesinə oğlu rəhbərlik edir. Onlar “MVF”, “Laçın Ticarət Mərkəzi” və “Sunay Ticarət Mərkəzi” MMC-lərinə nəzarət edir.