Bir neçə gün əvvəl Bakının Binəqədi rayonunda həyat yoldaşı və baldızını bıçaqlayan 1981-ci il təvəllüdlü Samiq Quliyev tutulub.
Binəqədi rayon Polis İdarəsinin əməkdaşlarının həyata keçirdiyi əməliyyat nəticəsində Biləcəridə 2 qadına çoxsaylı zərbələr endirən şəxs tutularaq istintaqa təhvil verilib.
Bildirilir ki, hadisə ailə münaqişəsi zəminində baş verib. İlkin araşdırma zamanı məlum olub ki, Kürdəmir rayon sakini olan 30 yaşlı Rühəngiz Mahmudova həyat yoldaşı Samiq Quliyevdən boşanmaq istəyib. Buna qarşı çıxan S.Quliyev həyat yoldaşı ilə 32 yaşlı baldızı Roza Mahmudovaya hücum edib. O, həyat yoldaşını öldürmək üçün ona 14, baldızına isə 9 abıçaq xəsarəti yetirib.
Ağır vəziyyətdə xəstəxanaya çatdırılan 2 bacıdan Roza vəfat edib. Rühəngizin müalicəsi isə davam etdirilir./Publika