Bakıda dəhşətli cinayət: Anasına mesaj yazdığına görə 13 bıçaq zərbəsi vurdu... - VİDEO

Baxış sayı:
3241

2019-cu il dekabrın 20-i gecə saat 3 radələrində bir nəfərin 3 saylı Şəhər Klinik Xəstəxanasına çoxsaylı bıçaq xəsarətləri ilə daxil olması barədə Xəzər Rayon Polis İdarəsinin 3-cü Polis Bölməsinə məlumat verilib.

Xəzər RPİ İstintaq şöbəsində faktla bağlı cinayət işi başlanılıb, günorta saatlarında hadisəni törədən 2000-ci təvəllüdlü Murad İmaməliyev zəng edib, könüllü şəkildə olduğu yeri polis əməkdaşına bildirərək, təslim olub. 
  
İstintaqla müəyyən edilib ki, dekabrın 19-da Murad İmaməliyev yaşadığı evdə anasına məxsus mobil telefona baxarkən anasının iş yoldaşı Şahin Yusifovdan “WhatsApp”a mesaj gəldiyini görüb. Anasına qarşı nalayiq ifadələr işlətməsini görüb, bundan qəzəblənərək dekabrın 20-i gecə saat 1 radələrində mətbəxdən götürdüyü bıçağla Ş.Yusifova 13 zərbə vurub. 

Cinayət işi istintaqın davam etdirilməsi üçün Xəzər rayon prokurorluğuna göndərilib.
 
Baki Ağır Cinayətlər Məhkəməsinin hökmü ilə M.İmaməliyev 11 il 6 ay müddətinə azadlıqdan məhrum olunub.