Bakının Qaradağ rayonunda ağır yol qəzası baş verib.
Muxalifet.az Baku.ws-ə istinadən xəbər verir ki, yol qəzası Bakı-Salyan yolunda qeydə alınıb.
Hadisə yerinə təcili yardım maşınları cəlb olunub.
Bakı şəhər Təcili Tibbi Yardım Stansiyasından bildirilib ki, “VAZ” markalı minik avtomobilinin sürücüsü idarəetməni itirib və maşın dərəyə yuvarlanıb. Hadisə yerinə həkim briqadaları göndərilib. Qəza zamanı yaralıların olduğu bildirilib. Hadisə barədə isə dəqiq məlumat həkimlər stansiyaya çatandan sonra məlum olacaq.
Faktla bağlı araşdırma aparılır.