Bakıda 9 ballıq zəlzələ gözlənilir? – AÇIQLAMA + VİDEO

Baxış sayı: 118

Respublika Seysmoloji Xidmət Mərkəzinin direktoru Qurban Yetirmişli bir müddət əvvəl Bakıda 8-9 bal gücündə zəlzələnin olacağı ilə bağlı yayılan məlumatlara aydınlıq gətirib.
Muxalifet.az-ın xəzər tv-yə istinadən məlumatına görə, o, qeyd edib ki, mütəxəssislərin fikirləri yanlış anlaşılıb:
“Ölkədə seysmik vəziyyətin fon səviyyəsi 8-9 baldır. Amma bu o demək deyil ki, həmin gücdə zəlzələ gözlənilir”.
Qurban Yetirmişli ölkədə seysmoloji vəziyyət stabil olduğunu deyib.
Seysmoloji Mərkəzin direktoru həmçinin bildirib ki, Xəzərdə baş verən seysmik prosesləri ölçmək üçün Milli Elmlər Akademiyası tərəfindən dib seysmometrləri alınıb, lakin onlar üç ilə yaxındır ki, həmin cihazlar anbarda qalıb:
“Fövqəladə Hallar Nazirliyi və Milli Elmlər Akademiyası Xəzərdə dib seysmometrlərinin quraşdırılmasına dəstək olmaq üçün SOCAR-a müraciət edib”. 
Qurban Yetirmişlinin sözlərinə görə, Xəzərdə potensial gücə malik zəlzələ ocaqları var. Bu baxımdan da risklərdən qorunmaq üçün yeni cihazlar önəmli rol oynayacaq.