Bakıda 36 yaşlı kişi müəmmalı şəraitdə ağır xəsarət alıb.

“Report”un məlumatına görə, hadisə “Nəsimi” rayonunda baş verib.

“28 May” metrostansiyasının yaxınlığında 36 yaşlı Anar Bağırov müəmmalı şəraitdə ağır xəsarət alıb.

O, 1 saylı Kliniki Şəhər Xəstəxanasına çatdırılıb. Yaralıya qarnın kəsilmiş-deşilmiş yarası diaqnozu qoyulub və o, cərrahi əməliyyat edilib.

Yaxınlarının dediyinə görə, A.Bağırov yıxılıb. Bu zaman onun qarnına dəmir əşya batıb.