Azərbaycanlı "qanuni oğru” "Dato Ağcabədinski” adı ilə tanınan Cavid Məmmədov yenidən saxlanılıb. Yenicag.az xəbər verir ki, o, ötən gün, avqustun 18-də Ukraynada, Kiyev vilayətində həbs olunub. Bu barədə Ukrayna Milli Polisi rəhbərinin birinci müavini Vyaçeslav Abroskin "Facebook” hesabında məlumat yayıb. Cavid Məmmədov daha öncə iki dəfə bu ölkədə saxlanılmış və ölkədən çıxarılmışdı. Ukrayna polisi bu şəxsin 3 il ərzində ölkəyə daxil olmasına qadağa qoymuşdu. Lakin bu qadağaya məhəl qoymayan "qanuni oğru” bu dəfə yenidən həbs olunub