Azərbaycanda yaşayan və Türkiyənin Bursa şəhərində biznesi olan qadın əri üçün qədim Hun İmperatoru Atillanın taxtına bənzər taxt sifarişi verib. Taxt 3 aya yaxın davam edən iş nəticəsində hazır olub və görənləri heyrətləndirib.

Bu qeyri-adi sifariş haqda Türkiyə KİV-ləri yazır. Taxtın bazar dəyəri 10 min dollar qiymətləndirilir, çəkisi isə 500 kiloqramdan çoxdur.

Bildirilir ki, həmin qadın Bursanın İnegöl rayonunda emalatxanası olan Metin Çiftçi ilə əlaqə yaradaraq ondan əri üçün taxt düzəltməyi istəyib. Və Atillanın taxtının fotosunu ona göndərib. Sifariş əsasında Hun imperatorluğunun hökmdarı Atillanın taxtından başlayaraq əvvəlcə araşdırma aparılıb. Qadının göndərdiyi foto əsasında araşdırma aparan taxta mebel ustası Metin Çiftçi işə başlayıb. Taxt tamamən gürgen ağacından, heç bir mexaniki dəzgahdan istifadə edilmədən əl əməyi hesabına  aya başa gəlib. İşin hər mərhələsi tamamlandıqca usta fotolar çəkərək müştəriyə göndərib. İndi taxt hazırdır və usta onu sifarişçiyə təqdim etməyə hazırlaşır.

“İki yoldaş olaraq bu taxtı düzəltdik. Azərbaycandan bir müştərimiz istəyib. Atillanın taxtından çox təsirlənib, özü bizə Atillanın taxtının fotosunu göndərib bundan düzəltməyimizi istədi. Biz də baxdıq, düzəldə biləcəyimizi dedik, müxtəlif anlaşmalar əldə elədik. Sırf ağacdan, əl əməyi ilə, qısacası heç bir texnologiyanın roli olmadan düzəltdik. Təbii ki, iş görərkən tələsmədik, qurdun (Atillanın taxtı canavar formasındadır) zahirini, bütün görkəmini tam əks etdirməyə çalışdıq. Hsab edirəm ki, pis alınmadı, ortaya bu nəticə çıxdı. Bitirəndə həm müştərimiz, həm görənlər çox bəyəndi. Bu taxt əvvəlcə Bursaya, oradan Azərbaycana göndəriləcək. Qadın bunu əri üçün düzəltdirib. Ərinin xəbəri yoxdur bundan, ona sürpriz edəcək”,-usta deyib.

Beləliklə, indi ərini Atilla zənn edən azərbaycanlı biznesvümenin bu sifarişi artıq sürpriz sayılmaya da bilər, necə də olsa taxtın barəsində xəbər artıq yayıldı və onun görüntüləri ictimailəşdi./virtualaz