“Azərbaycanla sərhədə Rusiya sərhədçiləri yerləşdirilib” - PAŞİNYANDAN ETİRAF

Baxış sayı:
1676

Ermənistanın Baş naziri Nikol Paşinyan Azərbaycanla sərhəddə rusiyalı sərhədçilərin yerləşdirildiyini təsdiqləyib.

Paşinyan bu haqda İspaniyanın EFE agentliyinin əməkdaşı Pablo Qonsalesə müsahibəsində danışıb. Jurnalist ondan sosial mediada sərhədçilərin sərhəddəki görüntüləri haqda soruşub.

“Burda yeni bir şey yoxdur. Rusiya sərhədçiləri Ermənistanın Türkiyə və İranla sərhədində keşik çəkirdilər… İndi son hadisələrlə əlaqədar onlar Ermənistanın cənub-şərq və cənub-qərb sərhədinə də yerləşdiriliblər. Birbaşa müdafiə ilə yanaşı bu, Azərbaycanın Naxçıvanla dəhliz açmaq niyyəti olarsa, qabaqlayıcı məqsəd da daşıyır,” – Paşinyan bildirib. (azadliq.org)