Azərbaycanda tanınmış şəxslərə Birləşmiş Millətlər Təşkilatı (BMT) adından saxta mükafatlar verilir.

Muxalifet.az yeniavaz.com-a istinadən xəbər verir ki, bu barədə məlumatı BMT-nin Azərbaycandakı nümayəndəliyinin əməkdaşı Rəşad Hüseynov sosial şəbəkə hesabından paylaşıb.
 
Rəşad Hüseynov yazır ki, BMT-nin UNCOPA adlı qurumu və ya agentliyi yoxdur:
 
“Azərbaycan vətəndaşlarına müxtəlif adda mükafatlar verən bu təşkilatın Cenevrədə yerləşdiyi yazılır. Lakin internetdən onun statusu (QHT? Özəl şirkət?) və digər fəaliyyətləri haqqında məlumat tapa bilmədim. Təşkilatın vebsaytı belə yoxdur.
 
Əlbəttə, bir təşkilat istədiyi adama və ya quruma mükafat verə bilər. Sadəcə bilməyinizi istəyirəm ki, UNCOPA-nın verdiyi mükafatların BMT ilə yaxından-uzaqdan əlaqəsi yoxdur.
 
Təəssüf ki, bu hal birinci dəfə baş vermir. Bundan öncə də UNCOPA-dan mükafat almış bəzi dövlət, elm və mədəniyyət təmsilçiləri bunu BMT-nin verdiyini bəyan edib.
 
Məsələn:
 
Professor Eldar Quliyev: https://ikisahil.az/…/238680-eldar-quliyev-uncopa-nin…
 
SOCAR-ın vitse-prezidenti Xoşbəxt Yusifzadə: https://science.gov.az/ru/news/open/9520
 
Aktrisa Suğra Bağırzadə: https://www.azernews.az/culture/187959.html
 
Böyük ehtimalla onlar UNCOPA-nın mükafatını BMT-nin Dövlət Xidmətləri Mükafatı (UN Public Service Awards) ilə səhv salıblar.
 
Qeyd edim ki, Azərbaycanda BMT-nin Dövlət Xidmətləri Mükafatına yalnız ASAN Xidmət layiq görülüb.
Bu da sonuncusu: https://haqqin.az/news/232372”