“Xəzər” TV-də yayımlanan “Səni axtarıram” verilişində müğənni Aysel Əlizadə ilə bağlı canlı efirdə ittihamlar səsləndirilib. Proqrama çıxan Turanə adlı qadın Aysel Əlizadənin 13 illik ərini əlindən aldığını deyib. Qadının sözlərinə görə, gənc müğənni dəfələrlə həyat yoldaşı ilə birgə onun evinə gəlib. Hətta Ayselin idarə etdiyi və mətbuatda çıxan “Porsche” avtomobilini də keçmiş əri müğənniyə hədiyyə edib. Qadın bildirib ki, 48 yaşlı əri iş adamıdır, avtosalonu var və tikinti işləri həyata keçirir. Aysel bütün bu iddialara şəxsi “Instagram” hesabının “Tarix” bölümündə cavab verib. Müğənni “Allaha həvalə edirəm” şərhi ilə post paylaşıb./Oxu.Az