Avstraliyada yarış avtomobili sürən 8 yaşlı qız həlak olub
12-11-2017 22:09
Avstraliyada noyabrın 11-də draq-reysinq üzrə yarış zamanı iştirakçılardan biri olan 8 yaşlı Anita Bord qəzaya uğrayıb.
Muxalifet.az-ın məlumatına əsasən, Kuinana şəhərinin Perth Motorplex avtodromunda test yarışması zamanı Bord beton çəpərə çırpılıb. O, hadisədən dərhal sonra xəstəxanaya çatdırılsa da, həkimlər qızın həyatını xilas edə bilməyiblər.
Qeyd edək ki, test yarışmalarına 8 yaşına çatmış uşaqlar da buraxılır. Bordun turnirə 3 gün qalmış 8 yaşı tamamlanmışdı.