"Atletiko" - “Qarabağ” 1:1 - KOMANDAMIZ 1 XAL QAZANDI - YENİLƏNİB

Oyun başa çatdı.

“Atletiko” (İspaniya) – “Qarabağ” (Azərbaycan) - 1:1
Qollar: 
Tomas, 56 - Miçel, 40
***
01:39
“Qarabağ” azlıqda qaldı.

“Atletiko” (İspaniya) – “Qarabağ” (Azərbaycan) - 1:1

Qırmızı vərəqə: Pedro Enrike, 59

**
00:59

“Atletiko” hesabı bərabərləşdirdi.
“Atletiko” (İspaniya) – “Qarabağ” (Azərbaycan) - 1:1
Qollar: Tomas, 56 - Miçel, 40

*
00:48

İkinci hissə başladı.

“Atletiko” (İspaniya) – “Qarabağ” (Azərbaycan) - 0:1

Qol: Miçel, 40

**

Birinci hissə "Qarabağ"ın üstünlüyü ilə başa çatdı. 

***

00:33

"Qarabağ"dan möhtəşəm qol...

“Atletiko” (İspaniya) – “Qarabağ” (Azərbaycan) - 0:1

Qol: Miçel, 40

***
00:28

Bu gün “Qarabağ” komandası Çempionlar Liqasının qrup mərhələsində növbəti oyununu keçirəcək.
“Report” xəbər verir ki, Ağdam təmsilçisi IV tur çərçivəsində İspaniyada “Atletiko”nun qonağı olacaq.
Bu kollektivlərin oktyabrın 18-də Bakı Olimpiya Stadionunda baş tutan ilk duelində qolsuz heç-heçə qeydə alınıb. İlk turda İngiltərədə “Çelsi”yə 0:6, evdə isə İtaliya təmsilçisi “Roma”ya 1:2 hesabı ilə uduzan “Qarabağ” madridlilərlə heç-heçə etməklə ilk xalını aktivinə yazıb. Bu uğurun davamını gətirmək çətin olsa da, nəzəri cəhətdən 1/8 finala vəsiqə qazanmaq da mümkündür.
Lakin Qurban Qurbanovun rəhbərlik etdiyi kollektiv səfərdə məğlub olarsa və “Roma” evdə “Çelsi”ni üstələyərsə, “Qarabağ” üçün ÇL-də mübarizəni davam etdirmək baxımından növbəti iki oyun formal xarakter daşıyacaq. Çünki italiyalılar 8 xalla Azərbaycan çempionu üçün əlçatmaz olacaq. “Çelsi” 7, “Atletiko” 5 xala malik olsa da, onlar arasında matçın qalması ağdamlıların ümidlərini puç edir.
“Atletiko”nun Çempionlar Liqası, La Liqa və İspaniya Kubokunda ümumilkdə keçirdiyi son 7 oyundan yalnız 1-də qalib gəlməsi “Qarabağ”ı ümidləndirən amildir. Ancaq madridlilərin son illərdəki uğurlarının memarı olan baş məşqçi Dieqo Simeone bu qarşılaşmaya dönüş nöqtəsi kimi baxır. Rəqib düşərgədə Koke və Yannik Karrasko kimi futbolçular zədədən əziyyət çəksələr də, paytaxt təmsilçisi geniş heyətə malikdir və istənilən oyunçunun yoxluğunu sığortalayacaq simalar var.
Əvəzində “Qarabağ” heyət baxımından ciddi problemlə üzləşib. “Atletiko” ilə Bakıdakı matçda qırmızı vərəqə alan qol ümidi Dino Ndlovu cəzalı durumdadır. Mərkəz müdafiəçiləri – Bədavi Hüseynovun zədə üzündən meydana çıxmayacağı dəqiqləşdiyi halda, əzələsi dartılan Yakub Jezniçakın durumu sual altındadır. Azərbaycan Premyer Liqasının son turunda “Səbail” ilə görüşdə xəsarət alan Pedro Enrike isə böyük ehtimalla komandaya kömək edə biləcək.
Qeyd edək ki, C qrupunun digər matçında “Çelsi” “Roma”nı məğlub edəcəyi təqdirdə, 1/8 finala vəsiqə qazanacaq.
Çempionlar Liqası, IV tur, C qrupu
31 oktyabr
23:45. “Atletiko” (İspaniya) – “Qarabağ” (Azərbaycan)
Atletiko: 13. Yan Oblak, 2. Dieqo Qodin, 3. Filipe Luis, 5. Tomas Partey, 7. Antuan Qrizmann, 8. Saul Nyiqes, 11. Anxel Korrea, 14. Qabi (kap), 15. Stefan Saviç, 20. Xuanfran, 21. Kevin Qameyro
Ehtiyat oyunçular: 1. Migel Anhel Moyya, 9. Fernando Torres, 12. Auqusto Fernandes, 19. Lukas Ernandes, 16. Şime Vrsalko, 22. Nikolas Qaytan, 24.Xose Mariya Ximenes
Baş məşqçi: Dieqo Simeone
Qarabağ: 13. İbrahim Şehiç, 2. Qara Qarayev, 5. Maksim Medvedev, 8. Miçel, 10. Pedro Enrike, 14. Rəşad Sadıqov (k), 20. Riçard Almeyda, 25. Ansi Aqolli, 52. Yakub Jezniçak, 77. Donald Gerrye, 90. Ramil Şeydayev
Ehtiyat oyunçular: 1. Anton Kanibolotski, 7. Rahid Əmirquliyev, 21. Arif Daşdəmirov, 22. Əfran İsmayılov, 32. Elvin Yunuszadə, 91. Coşqun Diniyev, 99. Dani Kintana
Baş məşqçi: Qurban Qurbanov
Baş hakim: Deniz Aytekin
Baş hakimin köməkçiləri: Qvido Klefe, Markus Heker
Əlavə köməkçi hakimlər: Daniel Zibert, Benyamin Brand
Dördüncü hakim: Eduard Baytinqer (hamısı Almaniya)
Madrid. “Metropolitano” stadionu
Xal durumu: “Çelsi” – 7, “Roma” – 5, “Atletiko” – 2, “Qarabağ” – 1.