“Copa America”da üçüncülük uğrunda Çili üzərində 2:1 hesablı qələbə qazanan Argentina millisinin ulduz futbolçusu Lionel Messi hakimə etiraz əlaməti olaraq bürünc medalı almaqdan imtina edib. Bunu oyundan sonra jurnalistlərə açıqlamasında təcrübəli futbolçunun özü deyib: “Hər ikimizə də sarı vərəqə verilə bilərdi. Amma, ola bilsin ki, ötən dəfə Braziliya ilə oyundan sonra dediklərim bəzilərinə çox təsir edib. Medalı almadım, çünki biz bu turnir boyunca bu cür hörmətsizliyin bir hissəsi olmalı deyilik. Heç şübhəm yoxdur ki, Braziliya bu turnirin çempionu olacaq", - deyə Messi bildirib. Qeyd edək ki, oyunun 37-ci dəqiqəsində Lionel Messi ilə Qari Medel arasında gərginlik yaranıb. Bu zaman referi hər iki futbolçuya qırmızı vərəqə göstərərək, onları meydandan qovub.