"Əminəm ki, Ermənistanın Baş naziri Nikol Paşinyan və onun qeyri-qanuni yoldaşı Anna Akopyan gözəl Polşa dramaturqu Slavomir Mrojekin əsərlərini oxumamışdılar. Əminəm ki, bu cütlüyün real intellekt səviyyəsinə dair çox böyük dəlillər var. Bu, yumşaq desək, çox da yüksək səviyyədə deyil və klassiklərin yazdıqlarının anlamını başa düşmək üçün bəs etmir. Yenə də ümid edirəm ki, Paşinyan və Akopyanın ətrafından kimsə Mrojekin dediklərinin mənasını onlara izah edəcək: “Halusinasiyalarınız olduğu üçün sizi müzakirə tərəfi hesab etmək çətindir”. Zerkalo.az xəbər verir ki, erməni baş nazirin qeyri-qanuni yoldaşı, Azərbaycanın Birinci vitse-prezidenti Mehriban Əliyevanı ER tərəfindən işğal olunmuş ərazilərimizə baş çəkməyə dəvət edib. Müəllif Əkbər Həsənov yazır ki, təkcə bu təklif “madam” Akopyanın xəstəliyinin nə qədər dərinə getdiyini, onun necə bir halüsinasiya dünyasında batıb qaldığını anlamaq üçün kifayətdir. Mahiyyətcə, “şinşilla almaqla qiyabi olaraq milyarder Vanderbildin qızıyla rəqabət aparan Elloçka Şukinanın canlı bir prototipi” qarşımızda durur. Ədəbi Elloçka, Annuşka kimi, öz cəhdlərinin komikliyini başa düşmədi. Vovayeviçə başa salmağa məcburam ki, onun qeyri- qanuni yoldaşının statusu, Mehriban Əliyeva ilə eyni səviyyədə dialoq aparmağa imkan vermir. Madam Akopyan nəinki qeyri- qanuni, həm də Paşinyanla vətəndaş nigahında olan biri olaraq, Nikolun əvvəllər "parladığı" erməni qəzetinin baş redaktorudur. Bu nəşr hətta ER-də bədnam şöhrəti ilə tanınır. Buna görə, “tanınmış” qəzetin baş redaktoru, Azərbaycanın birinci vitse-prezidentinə dəvət göndərən tərəf ola bilməz. Xoşbəxtlikdən dünyada çox sayda nüfuzlu nəşrlər var ki, onların da baş redaktorları Mehriban Əliyeva ilə müsahibə çərçivəsində söhbət etmişlər. Onu da qeyd edim ki, Anna Akopyan dəvəti səsləndirməzdən əvvəl istənilən ölkənin rəhbərlərindən hansısa birinin Azərbaycanın işğal olunmuş ərazilərinə səfər edib-etməməsi barədə düşünərdi. İndidən cavab verə bilərəm - heç kim ziyarət etməyib. Bu fakt həm də onu göstərir ki, “Haykakan Jamanak” ın baş redaktoru real dünyanı özünün halüsinasiya dünyasından fərqləndirməlidir. Və daha bir şey. Mehriban Əliyeva, minlərlə Azərbaycan vətəndaşı kimi, mütləq Dağlıq Qarabağa gələcəkdir. Bu torpaqlar bizim torpaqlarımızdır və vətənimizi ziyarət etmək üçün bizim heç kimin dəvətinə ehtiyacımız yoxudr. Orada işğalçıların hələlik yaşaması başqa şeydir. Bu müvəqqətidir. Akopyanın bəyanatının əsəbiliyini və məntiqsizliyini onun bu həqiqəti dərk etməsilə izah etmk olar. Burada da Vovayeviçin həyat yoldaşının niyə qəfildən bu dərəcədə həyəcanlandığını və ER-nın bəzi KİV-lərin onunla «ağız-ağıza” verməsini izah etmək lazımdır. “Bir neçə gün əvvəl Mehriban Əliyeva öz teleqram kanalında arzusunun Qarabağda muğam dinləmək olduğunu yazdı. Onu Qarabağa dəvət etmək istəyirəm, qonağımız ola bilər, qonaqları necə qəbul etməyi bilirik. Muğam dinləməsini təmin edə bilərik, dinləyə bilər, çay içə bilər. Bu dəvətdir və dəvətim qəbul olunarsa mən özüm də Bakıya gəlməyə hazıram", hələ günəbaxan yağını tökməmiş Annuşka dedi. "Haykakan Jamanak" ın baş redaktoru Mehriban Əliyevanın çıxışlarını izləmək üçün yalnız "səbəb" axtarır. Ancaq bilməlidir ki, ən yaxşı çay Bakıda verilir və ən yaxşı muğam Azərbaycanda səslənir. Mehriban Əliyeva Bakıda Beynəlxalq “Muğam Dünyası” Festivalının yaradılmasının təşəbbüskarı və prezidentidir. Beləliklə, əgər Madam Paşinyan müxtəlif ölkələrin sənətçilərinin ifasında həqiqi muğamı eşitmək istəsə, istəyini daha konkret səsləndirməsi lazımdır. Bu vaxt qiyabi olaraq Mrojekə etiraz etmək və halüsinasiyadan əziyyət çəkənin cavabını vermək lazımdır. "Ancaq Mehriban Əliyeva " Artsax "da (dırnaq -red ) muğamları dinləmək istəyi ilə müharibəni nəzərdə tutursa, əmin edirəm ki, bu arzu həyata keçməyəcək. Əgər müharibə başlatsalar, muğama qulaq asmaq üçün yeni ərazilər meydana çıxacaq ”, - deyə Akopyan qeyd edib. Belə monologa cavab verməyə belə dəyməz. Bu söz yığınında məntiq tapmaq qaranlıq otaqda qara pişik tapmaq qədər çətindir. Annuşka, özünü sanki sülh tərəfdarı kimi göstərməyə çalışır, amma əslində sadəcə gülünc müharibə bəyanatları edir. Göründüyü kimi, Haykakan Jamanakın pulsuz əlavəsinə çevrilən Lragir nəşrinin jurnalistlərinin əsaslandırma tonu oxşardır. Bu arada, NTV-nin Rusiya telekanalında verilişin aparıcısı KTMT iclasının ardından Bişkekdə qəbul edilən sənədin son imzasının fotosunu çəkməsi ilə əlaqədar Ermənistanın baş naziri Nikol Paşinyanı lağa qoymuşdu. O, Paşinyanın özünün imzaladığı sənədləri mobil telefonuna çəkdiyini qeyd edərək dedi: ““ tək ”sözündə neçə“ n ”-“ iki ”,“ üç ” “n” yazdığından narahat idi”. Madam Akopyanın qeyri-qanuni ərinin qazandığı münasibət budur. Məhz qazandığı. Tərcümə Muxalifet.az-ındır.