Ankarada 28 nəfərin ölümü ilə nəticələnən partlayışı törədən terrorçu-kamikadzenin kimliyi məlum olub.
Türkiyənən “Sözcü” qəzetinə verdiyi xəbərə görə, həmin şəxsin Suriya vətəndaşı Saleh Necar olduğu bildirilir. Kürd əsilli, PKK terror təşkilatının Suriya qanadı olan PYD/YPG birləşməsinin üzvü S. Necarın 1992-ci il təvəllüdlü olduğu deyilir.
Hadisə yerindən onun parçalanmış meyiti tapılıb. Suriyalı qaçqınlarla birlikdə Türkiyəyə ötən ilin iyulunda gələn terrorçu ilə əlaqədə olduğu bildirilən iki nəfər saxlanılıb.