"ABŞ-ın bütün ştatları birləşməli və "Artsax"a daha çox kömək etməlidir..." Öncədən xəbər verdiyimiz kimi, bu gün –oktyabrın 11-də Azərbaycanın işğal altındakı Xankəndi şəhərimizdə 30 ölkədən 150 nümayəndənin iştirakı ilə “Artsaxın dostları” adı altında üzdəniraq forumu başlayıb. Moderator.az xəbər verir ki, separatçı erməni nəşrlərinin yaydığı məlumata görə, forumda iştirak edən ABŞ-ın Corciya ştatından gəlmiş Debra Beyzmore adlı qaradərili Azərbaycan Respublikasının ərazi bütövlüyü əleyhinə çıxış edib. “ “Artsax”la bağlı təəssüratlarım təsvirolunmazdır. Mütləq bunu çoxları ilə bölüşəcəyəm ki, bütün dünya “Artsax” haqqında bilsin. Hesab edirəm ki, hər bir ölkə müstəqilliyini qorumalı və gələcəyi qurmalıdır. ABŞ-ın bütün ştatları birləşməli və "Artsax"a daha çox kömək etməlidir "- deyən ABŞ vətəndaşı qondarma separatçı-terrorçu rejimi “müstəqil dövlət” kimi təqdim etməklə ölkəmizin ərazi bütövlüyünü açıq şəkildə təhdid edib.