Prezident Ərdoğanın lideri olduğu AKP avqustun 23-də partiyanın yaranmasının 18 ildönümüni xüsusi qeyd etməyə hazırlıq görür.
Strateq.az xəbər verir ki, Türkiyə mətbuatında partiyanın ad gününə AKP-nin qurucularından olan sabiq prezident Abdullah Gül, sabiq Baş nazir Əhməd Davudoğlu və sabiq iqtisadiyyat naziri, yeni partiya quruculuğu hazırlığında olan Ali Babacanın dəvət edilmədiyi bildirilib.
Məsələyə bu gün reaksiya verən AKP-nin sözçüsü Mahir Ünal faktı təsdiq edib.
O, bu barədə verilən suala belə cavab verib: “Özlərini ailədən görməyənləri dəvət etməyimiz gözlənməz”.