İntizam Komitəsinin bugünkü iclasında Azərbaycan Premyer Liqasının V turunun "Neftçi" - "Zirə" matçı ilə bağlı məsələlərə baxılıb. "Report"un məlumatına görə, qonaq komanda 4 futbolçusunun sarı vərəqə alması səbəbindən 800 manat cərimələnib.
Meydan sahiblərindən isə futbolçu Mirabdulla Abbasov 86-cı dəqiqədə ikinci sarı vərəqə alaraq, meydandan kənarlaşdırıldığı üçün 1 oyunluq cəzalandırılıb. Onun klubuna 200 manatlıq cərimə tətbiq olunub.
Qeyd edək ki, "Neftçi" növbəti oyununu sentyabrın 24-də səfərdə "Qəbələ"yə qarşı keçirəcək.