ABŞ uzun müddət Suriyanı tərk etməyəcək – YPG terror qruplaşması
18-08-2017 15:18
"Suriya Demokratik Qüvvələri"nin mətbuat katibi yeni açıqlama verib.
ABŞ İŞİD terror qruplaşmasının yenilənməsindən sonra uzun müddət Suriyanın şimalını tərk etməyəcək. YPG qruplaşmasının nəzarəti altında olan bölgələrdə İncirlik hərbi bazasına alternativ olan hərbi bazalar inşa ediləcək.
Talal Silo "Reuters"ə verdiyi açıqlamada ABŞ-ın bölgədə strateji maraqlarının olduğuna inandığını bildirib: "ABŞ önümüzdəki on illərə aid siyasi strategiya tətbiq edir. Şimali Suriya liderliyi ilə ABŞ hökuməti arasında uzunmüddətli hərbi, iqtisadi və siyasi müqavilələr imzalanacaq".