Amerikalı meteoroloqlar ABŞ səmasında çox böyük və anomal hadisə qeydə alıblar.
Alimlər bu günə qədər belə bir hal ilə rastlaşmadıqlarını bildiriblər. Hələlik anomal hadisənin nə olduğu bilinmir.
“The Drive”ın məlumatına əsasən, bir çox meteoroloq zaman-zaman qeyri-adi hadisələrlə rastlaşırlar amma bunun bir izahı var. Bu dəfə üzə çıxan anomal hadisə isə hətta təcrübəli mütəxəssislərin də təəcccübünə səbəb olub.
Qeyri-adi obyekt İllinoys ştatının cənub hissəsinin səmasında qeydə alınıb. Əvvəlcə onun uzunluğu elə də böyük olmayıb, sonradan isə 80 kilometrə qədər çatıb və obyekt 10 saat səmada asılı qalıb. Bununla yanaşı, obyekt cənuba doğru hərəkət edib və formasını dəyişib.
Bu anomal hadisə barədə ilk dəfə Ueyn Hart adlı meteoroloq sosial şəbəkədə məlumat verib. O, bildirib ki, bu obyekt “Lockheed C-130” hərbi nəqliyyat təyyarəsinin uçuşundan sonra yaranan buluddur.
Amma digər ekspertlər məsələyə şübhəli yanaşıblar. Birincisi, obyektin tempraturu çox yüksək olub. Bu isə təyyarənin buraxdığı aldadıcı hədəf deyil. Eyni zamanda bu günə qədər də sözügedən təyyarədən belə uzunluqda bir buludun yaranması müşahidə edilməyib. Həm də belə təyyarələrin olduğu ən yaxın hərbi naza İndiananın şərqində yerləşir. Nə Kentukki, nə İndiana nə də İllinoys ştatlarında “Lockheed C-130” tipli təyyarənin olduğu baza yoxdur. Əlavə də edilib ki, “Lockheed C-130 Hercules” təyyarəsinin insidenti ilə bağlı da heç bir məlumat olmayıb.
Başqa bir versiyaya görə isə bu, gizli hərbi sınaq zamanı yaranan bulud olub.
Təbii ki, 80 kilometrlik obyektin yadplanetli gəmisi olduğu barədə fikirlər də səsləndirilib./olke.az