​“ABŞ-ın Kubaya qarşı tətbiq etdiyi embarqonun saxlanılması qəbuledilməzdir” – MOQERİNİ

Baxış sayı:
656

"ABŞ-ın Kubaya qarşı tətbiq etdiyi embarqonun saxlanılması qəbuledilməzdir".
TASS agentliyinin verdiyi xəbərə görə, bunu Havanada rəsmi səfərdə olan Avropa İttifaqı diplomatiyasının rəhbəri Federika Moqerini bəyan edib.
“Blokada çıxış yolu deyil. Biz dəfələrlə bunu amerikalı dostlarımıza demişik.  Mövqeyimizi  daima BMT-də də səsləndiririk. Embarqo yalnız sadə kubalıların həyat səviyyəsini aşağı endirir. Bu qəbuledilməzdir”, deyə F.Moqerini vurğulayıb.
Onun sözlərinə görə, ABŞ-ın Kubaya qarşı tətbiq etdiyi embarqodan Avropa şirkətləri və vətəndaşları da əziyyət çəkir.
“Blokada Avropa İttifaqının Kuba ilə iqtisadi və ticari əlaqələrinə mənfi təsir göstərir”, deyə Aİ diplomatiyasının rəhbəri qeyd edib/APA.