ABŞ İrana yeni sanksiyalar tətbiq edib. İranın inşaat və hərbi sektorunda istifadə edilən bəzi əhəmiyyətli materialların ticarətini hədəf alan yeni məhdudiyyətlər yaranıb. ABŞ Dövlət Departamentinin rəhbəri Mayk Pompeo tərəfindən verilən yazılı açıqlamada rəsmi Tehrana qarşı sanksiya rejiminin möhkəmləndirilməyə davam edəcəyi vurğulanıb. Açıqlamada İran İnqilab Keşikçilərinin əlində və ya təsirində olan inşaat sektorunun sanksiyaların hədəfinin olduğu qeyd edilib. Sanksiya siyahısında İranın nüvə və ballistik raket proqramında istifadə olunan 4 materialın ticarəti də var. Qeyd edək ki, ABŞ daha əvvəl İranın maliyyə infrastrukturunu hədəf alaraq İran Mərkəzi Bankını, İranın dini lideri Ayətullah Əli Xameneini, Xarici işlər naziri Məhəmməd Cavad Zərifi və İran İnqilab Keşikçilərini sanksiya siyahısına salmışdı.//Publika