ABŞ Hərbi Hava Qüvvələri B-52 nüvə bombardmançı təyyarələrini soyuq müharibə dövründən bu yana ilk dəfə daimi döyüş hazırlığı vəziyyətinə gətirə bilər.
Bu barədə informasiyanı “Defens Van” saytı yayıb. Sayt belə bir əmrin yaxın zamanlarda ABŞ Strateji Komandalığının rəhbəri Con Hayten və ya ABŞ Şimal Komandanlığının rəhbəri Lori Robinson tərəfindən veriləcəyini bildirib. ABŞ-ın belə bir addımı dünyada dəyişən geosiyasi vəziyyət ucbatından atdığı vurğulanıb.
Sayta açıqlama verən amerikalı general Devid Qolfeyn bu addımın məcburi xarakter daşıdığını söyləyib:
“Dünya təhlükəli yerdir. Nüvə silahından istifadə ilə bağlı açıq bəyanatlar var. Bu, artıq ABŞ və SSRİ-nin mövcud olduğu ikiqütblü dünya deyil. Bugünkü gün nüvə silahına malik yeni oyunçular peyda olub”.